Azərbaycan, Bakı, 29 iyun /Trend/
İyulun 2-dən silsilə olaraq Qırğızıstanın telekanallarında Azərbaycan bədii filmlərinin nümayişi davam etdiriləcək.
Azərbaycanın Qırğızıstandakı səfirliyindən cümə günü Trend-ə verilən məlumata görə, Qırğızıstanın "Piramida" televiziya kanalı ilə aparılmış danışıqların nəticəsi olaraq, Azərbaycan kino salnaməsinin unudulmaz səhifələrini təşkil edən "Nizami", "Axrıncı aşrım", "Arşın mal alan", "O olmasın, bu olsun", "Uzaq sahillərdə" bədii filmlərinin həmin telekanalda "Azərbaycan kinosu həftəsi" cərcivəsində, Azərbaycan kino mədəniyyətinin Qırğızıstan xalqına təbliğ olunması məqsədilə bədii filmlərin nümayişinə başlanılacaq.
Filmlərin nümayişində məqsəd Azərbaycan-Qırğızıstan mədəni əlaqələrinin genişləndirilməsidir.