Azərbaycan, Bakı, 31 mart / Trend , müxbir M.Əliyev/
Azərbaycanın Hacıqabul rayonunun Müşfiqabad qəsəbəsində martın 30-da Rusiya vətəndaşı Ramil Məmmədovun idarə etdiyi "VAZ-2107" markalı avtomobil Mahir Məmmədovun idarə etdiyi "KamAZ" markalı maşınla toqquşub. Bu barədə Azərbaycanın Daxili İşlər Nazirliyinin məlumatında deyilir.
Nəticədə, "VAZ-2107" markalı avtomobilin sərnişinləri - Rusiya vətəndaşı Vidadi Osmanov və Ağstafa rayon sakini Xəyyam Veysov hadisə yerindəcə keçiniblər, sürücü Məmmədov xəstəxanaya yerləşdirilib.
DİN-in Dövlət Yol Polisi Baş İdarəsi araşdırmalar aparır.