Azərbaycan, Bakı, 1 aprel /Trend, müxbir K.Zərbalıyeva/
Bakıda üç avtomobil toqquşub, ölən və yaralananlar var.
Daxili İşlər Nazirliyinin mətbuat xidmətindən Trend-ə verilən məlumata görə, martın 31-də saat 10:30 radələrində Binəqədi rayonu ərazisində Bakı şəhər sakinləri Canbulat Kərimovun idarə etdiyi "Ford" markalı, Namiq Əfəndiyevin idarə etdiyi "VAZ-21015" markalı və Abşeron rayon sakini Ramin Qasımovun idarə etdiyi "Toyota-Prado" markalı avtomaşınlar toqquşub.
Nəticədə xəsarət almış Qasımov və sərnişinləri - bacısı Kəmalə və Abşeron rayon sakini Cəmalə Qasımova xəstəxanaya yerləşdiriliblər. Qasımov xəstəxanada dünyasını dəyişib.
Faktla bağlı Baş Dövlət Yol Polisi İdarəsi tərəfindən araşdırma aparılır.