Azərbaycan, Bakı, 24 oktyabr /Trend, müxbir K.Zərbalıyeva/
Ötən gün Azərbaycanda 13 yol qəzası qeydə alınıb, nəticədə 2 nəfər həlak olub, 12 nəfər müxtəlif dərəcəli bədən xəsarəti alıb.
Respublika Baş Dövlət Yol Polisi İdarəsindən Trend-ə verilən məlumata görə, ötən günün ağır yol qəzası Ağdamda baş verib. "VAZ 2106" markalı avtomobilin maneyə çırpılması nəticəsində bir ailənin 2 üzvü ölüb, 3 nəfər xəsarət alıb.
Qəzaların əksəriyyəti piyadavurmalar olub.