Azərbaycan, Bakı, 6 aprel /Trend, müxbir E.Mehdiyev /
Bakıda cinayət törədən masqalı şəxslər yaxalanıb.
Bakı Şəhər Baş Polis İdarəsindən Trend-ə verilən məlumata görə, yanvarın 10-da naməlum maskalı şəxslər Şüvəlan qəsəbəsi Nizami küçəsində yaşayan Akif Həmzəyevin evinə daxil olaraq ona bıçaqla xəsarət yetiriblər.
Sonra həyətdə olan "VAZ-2121" markalı avtomobilin hər iki dövlət nömrə nişanını açıb ataraq avtomobili aparıblar.
Həmzəyev 3 saylı xəstəxanaya yerləşdirilib. Xəzər RPİ CAŞ, 1-ci PB və DİN BDYPİ əməkdaşlarının keçirdikləri əməliyyat tədbirləri nəticəsində quldurluqda şübhəli bilinən Bakı şəhər sakinləri - Kamran Cəbiyev və Səbuhi Tağıyev aprelin 2-də Səlyan rayonu ərazisində idarə etdikləri "BMW-X5" markalı avtomobillə saxlanılıblar.
Avtomobildən 5 qramdan artıq marixuana aşkar edilib. Təxirəsalınmaz əməliyyat tədbirləri nəticsində cinayətin digər iştirakçısı Bakı şəhər sakini Murad Muradov aprelin 5-də yaxalanıb.