Azərbaycan, Bakı, 9 aprel /Trend/
Bu gün səhər saat 05:00 radələrində Yerevandan Voronejə uçan "Saab-2000" təyyarəsi Voronej aeroportunda qəza enişi edib. Bu barədə Trend çərşənbə axşamı "Armenia Today"ə istinadən məlumat verir.
Təyyarədə 49 sərnişin və 4 ekipaj üzvü olub.
"Təyyarə qəza enişi istəyib, belə ki, indikatorlar şassinin qabaq dayağının çıxmadığını göstəriblər. Nəticədə şassi ilə problem yaranmayıb, təyyarə eniş edə bilib, xəsarət alan olmayıb", - "Polyot" aviaşirkətinin Reklam-informasiya şöbəsinin rəhbəri Qriqori Başkirev portalına bildirib.
Təyyarə enərkən təcili tibbi yardım və yanğınsöndürən maşınlar hadisə yerində olublar.