Azərbaycan, Bakı, 13 may /Trend, müxbir A.Tağıyeva/
Türkiyənin Ərzurum vilayətindən Qars vilayətinə hərəkət edən Azərbaycan vətəndaşları ağır yol qəzasına düşüblər. Trend-in məlumatına görə, bu barədə bazar ertəsi "Beyaz Gazete" xəbər yayıb.
Hüseyn Məmmədovun idarə etdiyi, Azərbaycan dövlət nömrə nişanlı avtomobil aşıb. Qəza nəticəsində onun həyat yoldaşı Zümrüd Məmmədova ölüb.
Onların qızı Aylin və Hüseyn özü Ərzurum vilayətində xəstəxanaya çatdırılıblar.