Azərbaycan, Bakı, 18 iyun /Trend/
Avtomobil yandı, sürücü xəsarətlərlə xəstəxanaya çatdırıldı. Bu barədə Trend məlumat verib.
Məlumatda deyilir ki, İsmayıllı rayonu, Qaraqaya kəndində (rayon mərkəzindən 23 km aralı) vətəndaşa məxsus "UAZ" markalı yük avtomobilinin yanar hissələri yanıb.
Yanğın zamanı sürücu yanıq xəsarətləri alıb və hadisə yerinə çağırılmış təcili tibbi yardım tərəfindən xəstəxanaya aparılıb.
Yanğın saat 00:30-da yanğınsöndürənlər tərəfindən söndürülüb.