Azərbaycan, Bakı, 14 oktyabr /Trend, müxbir İlkin İzzət/
Xızı rayonunda həmyerlisini bıçaqla qətlə yetirmiş şəxs tutulub.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, oktyabrın 13-də Xızı rayonunun Xələc kəndində Xasməmməd Rəsulovun evində bıçaqla qətlə yetirilmiş meyiti tapılıb.
Xızı rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni münaqişə zəminində törətmiş kənd sakini Elnur Heybətov tutulub.
Faktla bağlı istintaq-əməliyyat tədbirləri həyata keçirilir.