Azərbaycan, Bakı, 9 iyun /Trend, müxbir X.Murtuzayeva/
Bir qrup Yaponiya aliminin apardığı uğurlu araşdırma qaraciyər nəqli üçün növbə gözləyən minlərcə xəstə üçün ümid işığı yandırıb. Trend-in məlumatına görə, bu barədə Türkiyənin "Milliyyət" qəzeti xəbər verir.
Belə ki, Yokohama Universitetindən Hideki Taniguçi və onun komandası pluripotent gövdə hüceyrələrini bir siçana nəql ediblər.
Bu zaman alimlər qaraciyər hüceyrələrinin yaradımasına proqramlaşdırılan və başqa hüceyrələrlə əlaqəsi olan gövdə hüceyrələr vasitəsilə 5 millimetr böyüklükdə insan qaraciyərinin yaradılmasına nail olublar.