Azərbaycan, Bərdə, 24 dekabr / Trend , müxbir Ş.Cəliloğlu/ Ermənistan Silahlı Qüvvələrinin snayperindən açılan atəş nəticəsində dekabrın 23-ü gecə 23:00 radələrində Azərbaycanın mülki vətəndaşı həlak olub, Trend bölgə müxbiri məlumat verib.
Ermənistan ordusunun Tərtər istiqamətində atəşkəsi pozması nəticəsində mülki şəxs 1954-cü il təvəllüdlü Afiq Məmmədov qoşunların təmas xəttində həlak olub. Məmmədov Tərtərin Həsənqaya kəndi yaxınlığında mal-qara otararkən snayper gülləsinə tuş gəlib.
Onun cəsədi bu gün səhər saatlarında tapılıb.
Məqalə müəllifi ilə əlaqə ünvanı: [email protected]