Azərbaycan, Bakı, 04 noyabr/ Trend , müxbir V.Javoronkova/ İlkin məlumatlara əsasən, çərşənbə axşamı ABŞ - da keçirilən prezident seçkilərinin lideri Demokratlar Partiyasından namizəd Barak Obama olub.
Amerikada prezident seçkilərinin ilkin nəticələri açıqlanıb. Seçkilərin yekunlarına görə, lider Demokratlar Partiyasından namizəd Barak Obama olub, - CNN xəbər verir.
CNN-in məlumatına əsasən, o 183 səs öndədir.
Amerika Birləşmiş Ştatlarının tarixində ilk dəfə olaraq prezident səsverməsinin lideri afroamerikalı namizəd olub.
Onun əsas şüarı "Dəyişikliklər" sözüdür. Obama prezident seçildiyi halda qoşunları İraqdan çıxarmağı vəd edirdi. Onun vitse-prezidenti təcrübəli siyasətçi, Delaver Ştatından ABŞ senatoru Cozef Bayden olacaq.
Obama 1961 - ci il avqustun 4 - də anadan olub. O, Kolumbiya Universiteti və Harvard Hüquq Elmləri İnstitutunun məzunudur. Harvardda "Harvard Law Review" jurnalının redaktoru olub. Obama vətəndaş hüquqları üzrə vəkil işləyib.
Müəlliflə əlaqə saxlamaq üçün elektron ünvan: [email protected]