İran, Tehran, 27 noyabr / Trend , müxbir A.Namdari / İran parlamentinin sənaye üzrə komissiyası Əhmədinejad hökumətinə İran və Tacikistan arasında ticarət və sənaye sahəsində əməkdaşlığın aşağı səviyyəsi ilə bağlı xəbərdarlıq edəcək.
"Əhmədinejad hökuməti ticarət və sənaye səhəsində müqavilələrdə dövlətin maraqlarını qorumalıdır", - deyə İran parlamenti sənaye üzrə komissiyasının üzvi Həmidrza Fuladgər cümə axşamı Trend - a bildirib.
Fuladgər qeyd edib ki, hökumət hazırda Latın Amerikası ölkələri ilə müxtəlif müqavilələr imzalayıb, lakin qonşu ölkələr, o cümlədən İranla eyni dildə danışan Tacikistanla isə, hələlik belə müqavilələr yoxdur.
Tacikistan prezidenti İmaməli Rəhmon cümə axşamı Tehrana səfər edib. Rəhmon səfər çərçivəsində, İran rəsmiləri ilə müxtəlif regional və beynəlxalq məsələləri müzakirə edəcək. İki ölkə arasında ticarət və sənaye üzrə bir sıra müqavilələr imzalanacaq.
İran dəfələrlə bildirib ki, Tacikistanda əsas sərmayə yatıran ölkələrdən olmaq niyyətindədir. İran müxtəlif istehsal sahələrində zavod tikintisi üzrə Tacikistana kömək edib. Taciklər inanırlar ki, İranla əməkdaşlıq bu ölkənin inkişafına kömək edəcək. İran Tacikistanın əsas problemlərindən olan beynəlxalq sulara çıxışını asanlaşdıracaq.
Tacikitsan son illərdə, əsasən, əkinçilik sahəsində inkişaf etməyə çalışıb, lakin bu sahədə də daxili və xarici sərmayədarların iştirak etməməsi əkinçiliyin zəif inkişafına səbəb olub.
İran ilk xarici ölkədər ki, əkinçilik sahəsində bu ölkə ilə əməkdaşlıq edir. Tərəflər kənd təsərrüfatının bir sıra sahələri üzrə müqavilələr imzalayıblar.
Məqalə müəllifi ilə əlaqə ünvanı:[email protected]
