Azərbaycan, Bakı, 27 iyul / Trend , müxbir C.Babayeva /
İyulun 28-29-da Minskdə, MDB İcraiyyə Komitəsində üzv dövlətlərin əməkdaşlıq konsepsiyası layihəsinin işlənməsi üzrə ekspert qrupunun iclası keçiriləcək.
"Sənəd MDB ölkələrinin bu sahədə məqsəd, hədəf və əsas qarşılıqlı fəaliyyət istiqamətlərinə rəsmi baxışlarının məcmusundan ibarətdir. Belə ki, orada mədəni irsin qorunması, teatr, musiqi və təsviri incəsənətin dəstəklənməsi, mədəniyyət sənayesinin inkişafı işində əməkdaşlıq prinsipləri qeyd olunur", - MDB İcraiyyə Komitəsinin bazar ertəsi yaydığı məlumatda deyilir.
Konsepsiyanın realizəsi MDB ölkələrinin milli mədəniyyətlərin qorunması və inkişafına istiqamətləndirilmiş səylərin konsolidasiyası üçün şərait yaradacaq.
İclasda Azərbaycan, Ermənistan, Belarus, Qazaxıstan, Qırğızıstan, Moldova, Rusiya, Tacikistan və Özbəkistan nümayəndələrinin iştirakı planlaşdırılır.
Məqalə müəllifi ilə əlaqə ünvanı: [email protected]