Milli Məclisdə "Dövlət sosial sifarişi haqqında" qanun layihəsi hazırlanır. Bu barədə Trend ə açıqlamasında Milli Məclisin Sosial siyasət daimi komissiyasının sədri Hadı Rəcəbli məlumat verib.
H.Rəcəbli qeyd edib ki, bu qanun qeyri-hökumət təşkilatlarının bir sıra layihələrinin dövlət tərəfindən maliyyələşdirilməsini nəzərdə tutur.
"Sosial layihələrin icrasını dövlət bütövlükdə öz üzərinə götürə bilməz. Bu işə qeyri-hökumət təşkilatları yardımçı ola bilərlər. Belə ki, həmin təşkilatlara dövlət qrantlarının verilməsi mümkündür", -deyə komissiya sədri vurğulayıb.
H.Rəcəbli deyib ki, qanun qəbul olunduqdan sonra onun icrası üçün müvafiq qurum da yaradıla bilər.