Azərbaycan, Bakı, 1 fevral /Trend/
Bu gün Milli.Az-ın 3 yaşı tamam olur. Portal belə qısa müddət ərzində Azərbaycanın ən çox oxunan internet resursları sırasına daxil olub.
Day.Az media şirkətinin PR direktoru Elina Şıxmaqomedova bu barədə və gələcək planlar haqqında danışıb.
"Üç il ərzində xeyli sayda maraqlı hadisələr baş verib. Milli.Az böyüyüb, daha funksional olub, kifayət qədər auditoriya qazanıb və oxucularının sayını artırmağa davam edir. Milli.Az kollektivi yaxın zamanlarda istifadəçilərinə ən son dünya tendensiyalarına uyğun tamamilə yeni layihə təqdim edəcək. İnanırıq ki, həmin layihə Azərbaycan internetinin vizit kartı olacaq", - Şıxmaqomedova bildirib.
"Və əlbəttə ki, şərhlərə, göndərilən xəbərlərə, köməyə görə oxucularımıza təşəkkür etmək istəyirik. Bizimlə qalın!"