...

Bakının mərkəzi küçələrindən birində təhlükəli vəziyyət yaranıb (FOTO, VİDEO)

Cəmiyyət Materials 1 Aprel 2015 17:12 (UTC +04:00)
Paytaxın Yusif Səfərov küçəsində daimi tıxacların yaranma səbəbləri açıqlanıb.
Bakının mərkəzi küçələrindən birində təhlükəli vəziyyət yaranıb (FOTO, VİDEO)

Azərbaycan, Bakı, 1 aprel /Trend, müxbir İlkin İzzət/

Paytaxın Yusif Səfərov küçəsində daimi tıxacların yaranma səbəbləri açıqlanıb.

Nəqliyyat Nazirliyi "Azəryolservis" ASC-nin mətbuat katibi Pünhan Mürsəliyev Trend-ə deyib ki, əvvəllər Nizami küçəsinin davamı olaraq Keykab xanım Səfərəliyeva küçəsi ilə kəsişmədən Yusif Səfərov küçəsi ilə kəsişməyə qədər olan hissəsinin yenidən qurulmasında məqsəd Yusif Səfərov küçəsindən, eyni zamanda Cavanşir körpüsünün yanından Keykab xanım Səfərəliyeva küçəsinə, o cümlədən Nizami və Keykab xanım Səfərəliyeva küçələrindən Cavanşir körpüsü istiqamətinə çıxışı təmin etmək idi. Lakin yalnız Cavanşır körpüsü istiqamətindən və Keykab xanım Səfərəliyeva küçəsindən həmin ərazidə olan dəmir yolu xəttinə qədər hərəkət etmək olurdu. Belə ki, dəmir yolu xəttinin yanından Yusif Səfərov küçəsinə hərəkət mümkün deyildi. Çünki həmin ərazidə "giriş qadağandır" nişanı quraşdırılmışdı. Səbəb Yusif Səfərov küçəsinin yükünü şəhərə yönəltmək idi.

"Azəryolservis"in sözçüsü bildirib ki, artıq bir neçə vaxtdır ki, vəziyyət dəyişib. Girişi qadağan edən nişan ərazidən götürülərək şəhərin bütün yükü Yusif Səfərov küçəsinə yönəldilib: "Bununla da həm Nizami küçəsinin Keykab xanım Səfərəliyeva küçəsi ilə kəsişməsindən Yusif Səfərov küçəsinə qədər olan hissəsində, həm də Yusif Səfərov küçəsində vəziyyət acınacaqlı duruma düşür. Yusif Səfərov küçəsi ilə hərəkət edən nəqliyyat vasitələri isə tıxac bir tərəfə, hətta qəza şəraiti ilə rastlaşırlar. Buna görə də əvvəlki vəziyyətə qayıtmaq zərurəti yaranıb. Belə ki, həmin ərazidən Yusif Səfərova girişi qadağan edən yol nişanının quraşdırılmasına, Yusif Səfərov küçəsindən Nizami küçəsinə girişi qadağan edən yol nişanının götürülməsinə böyük ehtiyac var. Yaranmış vəziyyətdən çıxış yolu ancaq budur. Əgər həmin ərazidə müvafiq tədbir görülməsə, Yusif Səfərov küçəsindəki tıxacı aradan qaldırmaq mümkün olmayacaq".

P.Mürsəliyev onu da qeyd edib ki, Nizami küçəsi hazırda demək olar ki, nəqliyyatın hərəkəti üçün deyil, avtomobillərin park edilməsi üçün istifadə edilir.

Məqalədə:
Xəbər lenti

Xəbər lenti