...

Hava şəraiti itkin düşən neftçilərin axtarışını çətinləşdirib (ƏLAVƏ OLUNUB)

Cəmiyyət Materials 9 Dekabr 2015 20:53 (UTC +04:00)
“Belə yalanlarla insanların heysiyyatına toxunmaq mənəviyyatsızlıqdır”.
Hava şəraiti itkin düşən neftçilərin axtarışını çətinləşdirib (ƏLAVƏ OLUNUB)

Təfərrüatlar əlavə olunub (ilk xəbər saat 20:08-də yayılıb)

Bakı. Elçin Mehdiyev - Trend:

"Saat 20:00-a olan məlumata görə, "Günəşli" yatağında baş verən yanğın nəticəsində itkin düşən neftçilərin axtarışları davam edir, lakin təəssüflər olsun ki, yeni nəticə əldə olunmayıb".

Trend-in məlumatına görə, bu barədə SOCAR-ın vitse-prezidenti Xalik Məmmədov yanğınla bağlı son vəziyyəti açıqlayarkən deyib.

X.Məmmədov bildirib ki, əlverişsiz hava şəraiti, sərt dəniz havası, külək, dalğa xilasetmə tədbirlərini gecikdirir və axtarışları çətinləşdirib.

X.Məmmədov deyib ki, külək o qədər güclü olub ki, itkin düşən neftçilərin cəsədləri Qazaxıstan sərhədinə yaxın əraziyə aparıb.

O, əlavə edib ki, hazırda yanğının söndürülməsi işləri də davam etdirilir.

X.Məmmədov yanğınla bağlı ittihamlara da münasibət bildirib: "İttihamlar səslənir ki, əvvəlcədən dənizdə güclü küləyin olacağını bilə-bilə, neftçilər o platformadan çıxarılmayıb. Bu ittihamlar əsassızdır. Çünki güclü küləyin olacağı proqnozlaşdırılan zaman həmin platformada çöl işlərinin məhdudlaşdırılması tapşırığı verilib".

Vitse-prezident qeyd edib ki, partlayış baş verən an yanğın bütün platformanı bürüyüb: "Əgər bütün işçilər bayırda olsaydı, onların hamısı yanardı. Faktiki olaraq, partlayış zamanı bir nəfər xəsarət alıb. Qalan işçilər isə qapalı şəraitdə olub".

X.Məmmədov deyib ki, kimlərinsə evdə oturaraq işin mahiyyətini bilmədən iddialar səsləndirməsi düzgün deyil: "Belə yalanlarla insanların heysiyyatına toxunmaq mənəviyyatsızlıqdır".

Məqalədə:
Xəbər lenti

Xəbər lenti