Bakı. Trend:
FIFA Riçard Almeyda ilə bağlı qərarını açıqlayıb.
Trend-in AFFA-nın saytına istinadən verdiyi məlumata görə, FIFA-nın müvafiq komitəsi Azərbaycan Futbol Federasiyaları Assosiasiyasının futbolçu R.Almeydanın milli komandada oynamaqla bağlı müraciətinə baxıb və məsələnin həllini mövcud qaydalara uyğun olaraq AFFA-nın səlahiyyətinə verib.
AFFA rəhbərliyinin bu məsələ ilə bağlı müsbət qərarı millinin baş məşqçisinin nəzərinə çatdırılıb.