Bakı. Trend:
Bazar günü dünya çempionatının start götürəcəyi Qətərə dünyanın hər yerindən azarkeş qrupları gəlir.
Trend xəbər verir ki, azarkeşlər Doha küçələrində toplaşır, mahnı oxuyur, rəqs edir və turnirin startına hazırlaşırlar.
Azarkeşlər ənənəvi olaraq öz komandalarının rənglərində geyinirlər: parlaq narıncı formalarda holland azarkeşlər, eləcə də çoxlu sayda meksikalı azarkeşlər sombreroda və braziliyalılar sarı köynəklərdə və milli bayraqlarda artıq şəhəri gəzirlər.
Turnir zamanı Qətərin 1,2 milyon azarkeşi qəbul edəcəyi gözlənilir.