Bakı. Trend:
Şuşanın İƏT Gənclər Paytaxtı olmasından qürur duyuruq.
Trend-in məlumatına görə, bunu İslam Əməkdaşlıq Təşkilatı Gənclər Forumunun prezidenti Taha Ayhan "Şuşa İƏT Gənclər Paytaxtı - 2024" mövzusunda konfransda deyib.
O qeyd edib ki, Şuşanın İƏT Gənclər Paytaxtı olması böyük əhəmiyyət daşıyır.
“Azərbaycanın Şuşanı azad edərkən apardığı mübarizəni, həyata keçirdiyi əməliyyatları, eyni zamanda 44 günlük Vətən müharibəsində Azərbaycanın mübarizəsini, dağıdılmış bir şəhərin sonra yenə necə bərpa olunduğunu dünyaya çatdırmaq üçün fəaliyyət göstərəcəyik. Sizin hər birinizdən bu məsələdə dəstək verməyinizi gözləyirik”, - deyə o əlavə edib.