Bakı. Trend:
Səbail rayonunda yerləşən qızıl satılan mağazalardan birindən oğurluq edilib.
Daxili İşlər Nazirliyinin mətbuat xidmətindən Trend-ə verilən xəbərə görə, zərərçəkən işlədiyi piştaxtaya alıcı kimi yaxınlaşan şəxsin 1600 manat dəyərində boyunbağı oğurladığı barədə polisə məlumat verib.
Səbail Rayon Polis İdarəsinin 9-cu Polis Bölməsinin əməkdaşlarının həyata keçirdiyi tədbirlərlə hadisəni törədən Emin Quliyev saxlanılıb.
Saxlanılan şəxsin digər analoji əməllərdə iştirakının olub-olmaması araşdırılır.
Onun qanunsuz əməllərindən zərərçəkən başqa şəxslər varsa, bu barədə polisə müraciət edə bilərlər.