Bakı. Trend:
Futbol üzrə Millətlər Liqasında VI turda növbəti günə yekun vurulub
Trend xəbər verir ki, Millətlər Liqasının VI turunda ikinci oyun gününə yekun vurulub. Bu gün ərzində 9 matç keçirilib.
Oyunlar 5 qrup çərçivəsində baş tutub. A Liqasında, artıq qrup qalibi adını təmin etmiş Portuqaliya, Xorvatiya ilə xalları bölüşüb. Digər qrupun lideri İspaniya isə çətinliklə İsveçrəni məğlub edib. Avropa çempionları matçın son dəqiqələrində penaltidən vurulan qolla qələbə qazanıblar.
Qeyd edək ki, VI tura noyabrın 19-da yekun vurulacaq.
xxx
23:45
Millətlər Liqasında VI turun oyunları çərçivəsində bu gün 9 matç keçiriləcək.
Trend xəbər verir ki, qarşılaşmalar 5 fərqli qrup üzrə təşkil olunacaq. A Liqasında artıq qrup liderliyini təmin edən Portuqaliya, Xorvatiya ilə səfərdə üz-üzə gələcək. Digər maraqlı qarşılaşmada isə İspaniya öz meydanında İsveçrəni qəbul edəcək.
Xatırladaq ki, Millətlər Liqasının VI turuna noyabrın 19-da yekun vurulacaq.