Azərbaycan, Baku, 16 mart / Trend , müxbir İ.Xəlilova /
Beynəlxalq Valyutu Fondu (BVF) Azərbaycan Vergilər Nazirliyi ilə birgə vergi inzibatlaşması islahatına texniki yardım layihəsi üzrə məsləhətləşmələri martın 29-dan davam etdirəcək, - nazirlikdən bildiriblər.
"Müzakirələri martın 8-dək aparacaq texniki missiyaya büdcə məsələləri ilə bağlı ekspert Edmund Bayber rəhbərlik edəcək", - Vergilər Nazirliyindən bildiriblər.
2008-ci ilin avqustunda start götürən vergi inzibatlaşması ilə bağlı işlərin təhlilini BVF ekspertləri gələcək tədbirləri müəyyənləşdirmək məqsədi ilə davam etdirəcək.
BVF espertləri hazırda vergi qanunvericiliyini Avropa İttifaqı standartlarına uyğunlaşdırmaq məqsədi ilə 2009-2012-ci illərə nəzərdə tutulan proqramın hazırlanması üzərində işləyir. BVF ekspetləri proqram layihəsinin təkmilləşdirilməsi və uğurla tətbiq olunması istiqamətində də yardım edirlər.
Valyuta fondu ekspertləri vergi sisteminin islahatı istiqamətində aparılan işlərdə son 7-8 il ərzində aktiv iştirak etdiklərindən onların tövsiyələri bu səfər də nəzərə alınıb. İslahatlar nəticəsində Vergilər Nazirliyinin bütün strukturları ilə avtomatlaşmış vergi informasiya sistemi vasitəsi ilə əlaqə yaradılıb.
2007-ci ildən etibarən Azərbaycanda elektron bəyannamə sistemi tətbiq edilib və qısa müddət ərzində vergi ödəyicilərinin bir hissəsi (2008-ci ilin nəticələrinə əsasən, mənfəət vergisi ödəyicilərinin 88 faizi, gəlir vergisi ödəyicilərinin 66 faizi) bəyannamələrin elektron formatda təqdim edilməsi barədə müqavilə imzalayıblar.
Məqalə müəllifi ilə əlaqə ünvanı: [email protected]
