Azərbaycan, Bakı, 6 oktyabr /Trend, müxbir E.İsmayılov/
Azərbaycanda Bakı-Quba avtomobil yolunun 29-cu kilometrliyində dəmiryol xətti ilə kəsişdiyi ərazidə qatarın üç vaqonunun relsdən çıxması problemi qısa müddətdə həll olunub. Bu barədə Trend-ə "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov deyib.
"Dünən kiçik bir problem yaranıb. Məsələ qısa müddətdə həll olunub", - Əzməmmədov deyib.
Fövqəladə Hallar Nazirliyi İnternet-saytının məlumatına görə, Sumqayıt şəhəri, Hacı Zeynalabdin Tağıyev qəsəbəsi ərazisində baş vermiş qəza zamanı "Etilen-Polietilen" Zavodu istiqamətində hərəkət edən qatarın benzolladolu sonuncu 3 vaqonu relsdən çıxıb.
Yanğın hadisəsi və benzolun ətrafa dağılması baş verməyib. Hadisə yerinə dərhal Fövqəladə Hallar Nazirliyinin müvafiq qüvvələri cəlb edilib, aidiyyəti qurumlar məlumatlandırılıb.