Azərbaycan, Bakı, 19 oktyabr /Trend, müxbir N.İsmayılov/
ARDNŞ-nin birgə müəssisəsi "Azeri Fugro" (ARDNŞ 60 faiz, "fuqro N.V" 40 faiz) Bakı Metropoliteninin sifarişi çərçivəsində tədqiqat quyularının qazılmasını başa çatdırıb. Bu barədə çərşənbə axşamı neft-qaz bazarındakı mənbə deyib.
"Bakı Metropoliteni üçün quyuların qazılması prosesi artıq başa çatıb", - mənbə bildirib.
Bundan əvvəl, mənbənin dediyi kimi, müqavilə dərinliyi 30-50 metr olan quyuların qazılmasını nəzərdə tutur. Quyuların qazılması Bakı Metropoliteninə stansiyaların sayının genişləndirilməsi üzrə tədqiqat işləri üçün lazımdır. Qazma Abşeron yarımadasının müxtəlif yerlərində aparılıb.
Bakı Metropoliteni 1967-ci ildən fəaliyyət göstərir.