...

"Azər Türk Bank" Naxçıvanda gənclərə təlim keçib (FOTO)

Biznes və iqtisadiyyat xəbərləri Materials 13 Mart 2017 16:55 (UTC +04:00)
Martın 11-də "Azər Türk Bank"ın təşkilatçılığı ilə Mərkəzi Bankın dəstəyi əsasında Naxçıvan Dövlət Texniki Kollecində “Müasir bank xidmətlərinin tətbiqi və marketinqi" mövusunda təlim keçirilib.
"Azər Türk Bank" Naxçıvanda gənclərə təlim keçib (FOTO)

Bakı. Trend:

Martın 11-də "Azər Türk Bank"ın təşkilatçılığı ilə Mərkəzi Bankın dəstəyi əsasında Naxçıvan Dövlət Texniki Kollecində “Müasir bank xidmətlərinin tətbiqi və marketinqi" mövusunda təlim keçirilib.

Bankdan Trend-ə verilən məlumata görə, təlimin əsas məqsədi - müasir bank xidmətlərinin tətbiq edilməsi zəminində marketinq fəaliyyətinin təşkilinə, xidmət sektorunda müştəriyönümlü xidmətin əsas planda olduğuna diqqətin yönəldilməsi olub. Uzunmüddətli hədəf isə gələcəkdə bank və maliyyə sahəsi üzrə gənc kadrların hazırlığına dəstəkdir.

Tədbirdə "Azər Türk Bank"ın Strateji Planlaşdırma və Marketinq Departamentinin direktoru Leyla Məmmədova “Müasir dövrdə xidmət sektorunda marketinq fəaliyyətinin təşkili”, bankın Naxçıvan filialının müdiri Vüsal Novruzov “Müştəriyönümlü xidmət və müştəri məmnuniyyəti”, Mərkəzi Bankın Naxçıvan MR idarəsinin əməkdaşı Hafiz İsmayılbəyli “Bank sahəsində texnoloji yeniliklər və xidmətlər” mövzularında çıxış ediblər.

Təlimdə Naxçıvan Dövlər Universiteti, “Naxçıvan” Universiteti, Naxçıvan Dövlət Texniki Kollecinin bank, maliyyə və digər iqtisadiyyat yönümlü fakültələrinin tələbələri, eləcə də gənc sahibkarlar iştirak ediblər.

Təlimdən sonra iştirakçılardan 116 nəfərə sertifikatlar verilib, ən aktiv iştrakçılardan 2 nəfər bankda bir aylıq təcrübəyə dəvət olunublar.

Məqalədə:
Xəbər lenti

Xəbər lenti