Azərbaycanda birinci yarımildə 2889 yeni müəssisə qeydiyyata alınıb. Ölkə hökumətindən Trend ə verilən məlumata görə, bu, "Regionların sosial-iqtisadi inkişafı üzrə Dövlət Proqramının uğurla həyata keçirilməsinin göstəricisidir".
Bu göstərici keçən ilin analoji dövri ilə müqayisədə 13,4% çoxdur. Qeydiyyata alınmış yeni müəssilərdən 1098-i topdan və pərakəndə ticarətlə, avtomobillərin, məişət cihazlarının və şəxsi əşyaların təmiri ilə məşğul olur. Tikinti sahəsində 424, kənd təsərrüfatı, ovçuluq və meşəçilik sahəsində - 271, daşınmaz əmlak üzrə əməliyyatlar, icarə və istehlakçılara xidmət sahəsində - 250, kommunal, sosial xidmətlər sahəsində 220, emal sənayesində isə 217 müəssisə fəaliyyət göstərir.
6 ay ərzində qeydiyyata alınmış 2889 müəssisənin 114-ü dövlət əmlakının subyektləri, 2539 - xüsusi əmlak, 64-ü - bələdiyyə əmlakı, 137-si - xarici müəssisələrdir. Yerdə qalan 35 müəssisə isə digər fəaliyyət sahələrinə aiddir.
Yeni müəssisələrin 58,3%-i Bakıda, 10,6%-i Aran rayonlarında, 5%-i Naxçıvanda, 4,9%-i Lənkəranda, 5,5%-i Abşeronda, 4,2%-i Gəncə-Qazax, Şəki-Zaqatala iqtisadi rayonlarında fəaliyyə göstərir.
Hüquqi şəxslərin yaradılması prosesi NMR-də və Yuxari Şirvan iqtisadi rayonunda daha dinamik inkişaf edir.