Azərbaycan, Bakı /müx. Trend İ.Xəlilova / Azərbaycanın Standartladırma, patent və metrologiya üzrə Dövlət Agentliyi qida məhsulları bazarının monitorinqini davam etdirir.
Qurumun direktoru Ramiz Həsənovun bildirdiyinə görə, yay mövsümü ilə əlaqədər dondurma, sərinləşdirici içkilər, kolbasa məhsullarına böyük tələbat müşahidə olunur. Bu üzdən də kiçik müəssisələrdə müvafiq şərait olmadan keyfiyyətsiz məhsul buraxılır.
"İstehsal keyfiyyətinin standartlarına əməl olunmadığı üçün hər gün iki-üç kiçik müəssisə bağlayırıq" - deyə Həsənov vurğulayıb.
Bu müəssisələrin əksər hissəsi Bakı və Abşeronda cəmləşib. Lakin keyfiyyətsiz məhsul satışı faktları bölgələrdə də aşkarlanıb.