"Azərenerji" SC-nin prezidenti Etibar Piriverdiyevin Trend ə verdiyi xəbərə görə, hazırda SC və Avropa Yenidənqurma və İnkişaf Bankı arasında AzTES-in Mingəçevirdə yenidən qurulma layihəsinin müqavilə sənədlərinin hazırlığı davam edir.
Piriverdiyev qeyd edib ki, Avropa bankı üç illik güzəşt dövründə və libor+1% tarifi üzrə 15 il müddətinə 115 milyon dollar kredit ayırmağı planlaşdırır.
Onun sözlərinə görə, lazımi avadanlığın alınması prosedurunun sentyabr ayında başlanması nəzərdə tutulur.
Aparıcı bankir Loran Şaburyenin başçılığı altında Avropa bankının ekspertlər qrupu danışıqlar üçün Bakıdadır.
AYİB-in kredit vəsaitləri, əsasən, turbin avadanlığının reabilitasiyasına və ətraf mühitin yaxşılaşdırılması üzrə tədbirlərin həyata keçirilməsinə yönəldiləcək. Beşinci blok istisna olmaqla, 1-dən 8-ə qədər olan blokların yenidən qurulmasının dəyəri 135 milyon dollar dəyərində (vergini nəzərə almadan) qiymətləndirilir ki, bu məbləğin 115 milyon dollarını AYİB verəcək.
