"Markab" tədqiqat gəmisi gələn il Xəzərin Azərbaycan sektorunda işləri davam etdirə bilər. Bu barədə Trend ə Azərbaycan-Niderland Azeri-Fugro müştərək müəssisəsindən məlumat verilib.
Bu gəmi Xəzəri noyabrın əvvəlində, BP şirkəti üçün işləri həyata keçirdikdən sonra tərk edib. Gəmi Fugro şirkətinə məxsusdur.
Bu gəmidən "Şahdəniz" yatağında tədqiqatlar aparılırdı. Şirkətdən bildirilib ki, işlərin iki ay ərzində görülməsi nəzərdə tutulur. Bu işlər torpağın mühəndis xassələrinin öyrənilməsinə yönəldilib. Cəmi 12 geotexniki quyunun qazılması planlaşdırılıb. Bunların bir hissəsi 30, yerdə qalanlar isə 150 metr dərinlikdə qazılacaq. İşlər suyun 500 m dərinliyində həyata keçirilib. İşlərin yekunları üzrə 9 quyu qazılıb.
Gəminin işləri tam başa çatdırması üçün ölkəyə gələn il gələcəyi gözlənilir.
