Azərbaycan Dövlət Neft Şirkəti Bakı-Tbilisi-Ceyhan boru kəməri vasitəsilə Türkiyənin Ceyhan limanına çatdırılan özünün Azeri Light markalı neftinin yüklənməsi ilə bağlı tender elan edib. Bu barədə Trend ə ADNŞ-dən məlumat verilib. Hissənin həcmi 1 milyon barrel (və ya 135 min ton) təşkil edir. Yüklənmə 21-23 mart 2007-ci il tarixinə planlaşdırılıb. Tenderin nəticələri fevralın 22-də elan olunacaq.
AZERI LT FOB Ceyhan neftinin qiyməti fevralın 14-də $56,19/barr təşkil edib (əvvəlki qiymətindən $0,72/barr aşağı düşüb).
ADNŞ-nin Ceyhandan neft hissəsini 2007-ci ildə aşağıdakı şirkətlər əldə edib:
Glencore Energy UK Ltd - yanvar (1 milyon barrel);
IILMA OIL S.L - yanvar-fevral (1 milyon barrel);
Select Energy GmbH - fevral (600 min barrel);
Select Energy GmbH - fevral-mart (1 milyon barrel);
Glencore Energy UK Ltd - mart (1 milyon barrel);