Azərbaycan, Bakı / Trend , müxbir S.Babayeva/ CATEL Azərbaycan-Amerika birgə müəssisəsi CDMA standartı üzrə rabitə şəbəkəsini Naxçıvan Muxtar Respublikası ərazisində də genişləçndirmək niyyətindədir.
BM-in texniki direktoru Vüqar Haqverdiyevin bazar ertəsi verdiyi məlumata görə, CATEL Muxtar Respublikada CDMA standartı üzrə rabitə operatoru olan Naxtel şirkəti ilə danışıqlar aparır.
Catel-in texniki direktoru danışıqların konkret başa çatma müddətini söyləməkdə çətinlik çəkib.
Azərbaycanın ilk CDMA operatoru CATEL BM-in 14 min abunəçisi var.
Şirkət 1997-ci ildə yaradılıb. CATEL "FH-CDMA" standartı üzrə naqilsiz rabitə xidməti, həmçinin, "3G CDMA" standartı üzrə mobil rabitə xidməti göstərir.
2004-cü ildən ACTEL Azərbaycanda ilk dəfə olaraq Çinin "Huawei" şirkətinin bazası əsasında üçüncü nəsil mobil rabitə texnologiyası - "CDMA 2000 1x" tətbiq etməyə başlayıb.Catel BM CDMA2000 standartı üzrə mobil rabitə xidməti üzrə fəaliyyət göstərmək üçün 2006-cı ilin əvvəlində lisenziya alıb.
CDMA 2000 standartı üzrə mobil rabitə xidməti göstərən Azərbaycan - Amerika Birgə Müəssisəsi Catel aprel ayından yeni ticarət nişanı FONEX-i təqdim edib.
Naxtel 2006-cı ildə NMR-də tətbiq olunan nisbətən yeni CDMA sistemidir. Sistem texniki cəhətdən 10 minə qədər abunəşiyə xidmət edə bilər.