Trend xəbər verir ki, Azərbaycan Rabitə və İnformasiya Texnologiyaları Nazirliyi "Aztelekom" İstehsalat Birliyinin Ucar Telekommunikasiya şəbəkəsi (TKŞ) elektron avtomat telefon stansiyasının (EATS) quraşdırılması ilə bağlı tender elan edib.
Yeni EATS-lər 384/30 nömrə tutumlu Lək kəndində və 256/30 nömrə tutumlu Qulabənd kəndində quraşdırılmalıdır.
Tenderdə marağı olan şəxslər təklifləri fevralın 19-na qədər təqdim etməlidirlər. Bununla bağlı əlavə məlumatı TKŞ-də almaq mümkündür. Təkliflər paketinin açılması fevralın 19-da saat 13:00-da TKŞ-nın binasında keçiriləcək.