Gürcüstan, Tbilisi, 22 dekabr / Trend , müxbir N. Kirtsxalia/
Bu gün 18 yaşlı hamilə qadın Kutaisinin Ana və Uşaq Mərkəzində "donuz qripi" virusundan ölüb. Gürcüstanın xəstəliklərə nəzarət üzrə milli mərkəzindən Trend -a bildirildiyi kimi, o, H1N1 virusunun ağırlaşması nəticəsində ölüb. Ağırlaşma nəticəsində 1adın 24 həftəlik hamiləlik dövründə ikitərəfli pnevmaniyadan ölüb.
Bu artıq Gürcüstanda "donuz qripi"ndən dünyasını dəyişmiş 7-ci xəstədir. Virusun qurbanları arasında 3 hamilə qadın olub.
Mərkəzin məlumatına görə, Zuqdidi xəstəxanasında daha bir hamilə qadın ağır vəziyyətdədir. Zuqdididən Tbilisiyə həmçinin səhhəti kritik vəziyyətdə olan 29 yaşlı kişi gətirilib.
Həkimlərin dediyinə görə, bütün ölümlə nəticələnən halların səbəbi həkimə gec müraciət etmək olub. Həkimlər vətəndaşları hətta adi qripin əlamətləri yaranan zaman dərhal müraciət etməyə çağırıblar.