Azərbaycan, Bakı, 9 aprel /Trend/
Danışıqlardan sonra fəallar tərəfindən nəzarətə götürülən Luqanskdakı Ukrayna Təhlükəsizlik Xidməti (UTX) İdarəsinin binasını daha 50 nəfər tərk ediblər. Trend RİA Novosti agentliyinə istinadən bu barədə UTX çərşənbə gününə keçən gecə bildirib.
Xidmətin məlumatına görə, xəsarət alan olmayıb.
Çərşənbə gününə keçən gecə yerli KİV-lər Ukrayna Kommunist Partiyası fraksiyasının xalq deputatı Spiridon Kilinkarova istinadən bildiriblər ki, Luqanskdakı UTX İdarəsinin binasında olan fəalların ikisi hakimiyyət nümayəndələri ilə danışıqlar aparmaq üçün nümayəndə kimi göndəriliblər.