Azərbaycan, Bakı, 24 dekabr /Trend, müxbir Təmkin Cəfərov/
İranda Qəzvin-Kərəc avtomobil magistralında zəncirvari yol qəzası baş verib.
Trend-in Fars agentliyinə istinadən verdiyi məlumata görə, hadisə zamanı zədələnən 40 avtomobildə 130 sərnişin olub ki, onlardan 39 nəfəri yaralanıb.
Xəsarət alanlardan 24 nəfər xəstəxanaya yerləşdirilib, 15 nəfər isə ambulator müayinədən sonra evə buraxılıb.
Qeyd edək ki, hadisə ötən gecə baş verib, lakin xəbər bu gün yayımlanıb.