Bakı. Trend:
İran hökuməti ölkənin qərbində baş verən güclü zəlzələdən zərər çəkənlərə yardım məqsədilə 70 milyon dollara yaxın vəsaitin ayrılması ilə bağlı qərar qəbul edib.
Trend-in məlumatına görə, bu barədə prezident Həsən Ruhaninin mətbuat xidməti bildirib.
Qeyd edək ki, noyabrın 12-də İran-İraq sərhədində baş vermiş 7,2 bal gücündə zəlzələ nəticəsində İranın qərb əyalətlərində, o cümlədən Kirmanşahda ölənlərin sayı 474, yaralıların sayı isə 9388 nəfərə çatıb. 40 minə yaxın ev dağılıb.