Bakı. Trend:
Ermənistanda sosial-iqtisadi vəziyyət çox ağırdır.
Trend-in erməni KİV-lərinə istinadən məlumatına görə, bunu Ermənistan parlamentinin deputatı Naira Zoqrabyan deyib.
Onun sözlərinə görə, ölkədə ərzaq məhsullarının qiymətləri yüksək sürətlə artmaqda davam edir:
“Ermənistan hökumətinin siyasəti tamamilə səmərəsizdir. Bütün bunlar nəyə gətirib çıxaracaq, məlum deyil”.
Deputat əlavə edib ki, Ermənistanda emiqrasiya faciəvi həddə çatıb, yoxsulluq və işsizlik səviyyəsi isə durmadan artır.