Bakı. Trend:
Almaniyanın Şlezviq-Qolşteyn federal torpağında uşaqları daşıyan avtobus təcili yardım maşını ilə toqquşub.
Trend-in məlumatına görə, insident şənbə günü axşam saatlarında baş verib. Toqquşma nəticəsində 46 nəfər müxtəlif dərəcəli xəsarətlər alıb. Onlardan 2-nin vəziyyəti ağırdır.
Avtobus minik avtomobil ilə toqquşmamaq üçün qarşı hərəkət zolağına çıxıb və təcili yardım maşınına çırpılıb. Avtobusda 10-15 yaş arası 42 uşaq olub.