Bakı. Trend:
Yunanıstan Sahil Mühafizəsi Paros adası yaxınlığında dənizdə 57 miqrantı xilas edib. Həlak olan 2 nəfərin cəsədi tapılıb, batmış yelkənli qayıqda olan daha 21 nəfərin axtarışı davam edir.
Trend-in məlumatına görə, bu barədə Afina Makedoniya Xəbər Agentliyi (AMNA) xəbər verib.
Məlumata əsasən, Sahil Mühafizəsinin axtarış-xilasetmə əməliyyatı Paros yaxınlığında yelkənli qayığın aşaraq batdığını bildirən miqrantların təcili yardım nömrəsinə zəng etdikdən sonra başlayıb.
Qayıqda 80-ə yaxın miqrant olub. Onların hamısı suya düşüb.