Bakı. Trend:
İyulun 29-da Amerika tərəfinin təşəbbüsü ilə Rusiyanın xarici işlər naziri Sergey Lavrov ilə ABŞ dövlət katibi Entoni Blinken arasında telefon danışığı olub.
Trend xəbər verir ki, bu barədə Rusiya XİN-in mətbuat xidmətindən bildiriblər.
Məlumata əsasən, xarici işlər nazirliklərinin rəhbərləri Ukraynadakı mövcud vəziyyəti müzakirə ediblər. Qlobal ərzaq təhlükəsizliyinin təmin edilməsi sahəsində vəziyyətə ətraflı baxılıb.
Bildirilib ki, E.Blinkenə bu il iyulun 22-də İstanbulda Rusiya, Ukrayna, Türkiyə və BMT arasında imzalanmış sənədlərin təfərrüatları barədə məlumat verilib.
Eyni zamanda tərəflər ABŞ və Rusiyada həbsdə olan Rusiya və Amerika vətəndaşlarının mübadiləsi imkanlarını müzakirə ediblər.