Bakı. Trend:
ABŞ İsraili dəstəkləməyə davam edəcək. Amerika dəstəyini itirməsinə səbəb olacaq heç bir "qırmızı xətt" yoxdur.
Trend-in məlumatına görə, bu barədə ABŞ prezidenti Co Bayden deyib.
"Mən İsraili heç vaxt tərk etməyəcəyəm. İsrailin müdafiəsi kritik olaraq qalır, ona görə də "qırmızı xətlər" yoxdur", - deyə o bildirib.
ABŞ prezidenti vurğulayıb ki, İsrailin baş naziri Benyamin Netanyahunun “İsraili müdafiə etmək və HƏMAS-ı təqib etmək hüququ var”.
Eyni zamanda, C.Bayden B.Netanyahunun günahsız insanların ölümünə səbəb olan addımlarını “səhv” adlandırıb. ABŞ prezidenti qeyd edib ki, Netanyahu buna "daha çox diqqət yetirməlidir" və nəticələrini düşünməlidir.