Azərbaycan, Bakı, 7 dekabr /Trend/
Abşeron rayonunda iki "VAZ" markalı minik avtomobili toqquşub.
Trend-in FHN-nin saytına istinadən verdiyi məlumata görə, nəticədə "VAZ" markalı minik avtomobilinin sürücüsü 1948-ci il təvəllüdlü Rəsulov Fikrət Rəsul oğlu aldığı bədən xəsarətlərindən hadisə yerində vəfat etmişdir.
Xilasedicilər F.Rəsulovun cəsədini deformasiyaya uğramış nəqliyyat vasitəsindən çıxararaq aidiyyəti üzrə təhvil vermişlər.