Bakı. Anaxanım Hidayətova - Trend:
Avropa Şurası Parlament Assambleyasının (AŞPA) növbəti iclası gələn ilin ilk iclası olduğuna görə, Azərbaycan tərəfi üçün çox vacibdir.
Bu sözləri Trend-ə Azərbaycanın AŞPA-dakı nümayəndə heyətinin rəhbəri Səməd Seyidov deyib.
S.Seyidov Ermənistan tərəfi ilə AŞPA sədri Pedro Aqramuntun təşəbbüskarı olduğu görüşün mümkünlüyünü istisna etməyib.
O deyib: “Ola bilər ki, növbəti sessiya zamanı bu görüş baş tutsun. Biz artıq bu təşəbbüsə razılığımızı vermişik, hər şey Ermənistan tərəfindən asılıdır.”
AŞPA-nın qış sessiyası yanvarın 23-27-də keçiriləcək.