Bakı. Trend:
Ölkənin 20-dək aparıcı Kütləvi İnformasiya Vasitəsinin rəhbəri Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) təşkilatçılığı ilə Naxçıvan Muxtar Respublikasına səfər edib.
Trend-in məlumatına görə, səfər çərçivəsində Fondun təşkilatçılığı ilə "Mərkəzi və yerli icra hakimiyyəti orqanları ilə kütləvi informasiya vasitələri arasında əməkdaşlığın genişləndirilməsi” mövzusunda regional konfrans keçiriləcək.
Səfərdə KİVDF-nin icraçı direktoru Vüqar Səfərli, ölkənin aparıcı KİV-lərinin rəhbərləri iştirak edirlər.
Səfər çərçivəsində KİV nümayəndələrinin Naxçıvanın tarixi memarlıq və mədəni abidələri ilə tanışlığı da nəzərdə tutulub.