Bakı. Trend:
Bu gecə futbol üzrə Amerika kubokunun qalibi müəyyənləşib.
Trend-in məlumatına görə, final matçında Çili və Argentina yığma komandaları qarşılaşıb.
Matçın əsas və əlavə vaxtında rəqiblər qapılara qol vura bilməyiblər.
Penaltiləri daha dəqiq yerinə yetirən Çili yığması rəqibinə 4:2 hesabı ilə qalib gələrək Amerika kubokunun qalibi olub.
Çili ardıcıl ikinci dəfədir ki, Amerika kubokuna sahib çıxıb.