Bakı. Trend:
Belarus malları Azərbaycanda böyük uğurla istifadə olunur.
Trend-in BELTA-ya istinadən verdiyi məlumata görə, bunu Azərbaycanın iqtisadiyyat naziri Şahin Mustafayev Minskdə keçirilən Belarus-Azərbaycan biznes-forumunda deyib.
Nazir qeyd edib ki, Azərbaycan-Belarus münasibətləri həm siyasi, həm də sosial-iqtisadi səviyyələrdə çox uğurla inkişaf edir: "Bizim prezidentlərimiz iqtisadi strukturlara qarşılıqlı ticarət dövriyyəsinin 700 milyon dollara çatdırılmasını tapşırıblar. Biz müxtəlif istiqamətlər üzrə əməkdaşlığa cəhd göstəririk".
Ş.Mustafayev bildirib ki, Belarusda Azərbaycan Ticarət evi yaradılacaq: "Əlbəttə, əvvəlcə paytaxt Minskdən başlayacağıq. Daha sonra ticarət nöqtələrinin bütün Belarus üzrə yayılmasını planlaşdırırıq. Ticarət evinin yaradılması ölkələrimiz arasında əmtəə dövriyyəsinin artırılmasına imkan verəcək".