Gürcüstan, Tbilisi, 28 yanvar / Trend , müxbir N.Kirtsxaliya/ Gürcüstanın Baş naziri Qriqol Mqaloblişvili bu gün vəzifəsinin icrasına başlayıb.
"Baş nazir bu gün bir neçə saat Dövlət Dəftərxanasında olub", - Trend -a Baş nazirin administrasiyasından məlumat verilib.
Həkimlər Mqaloblişviliyə hələlik tam qüvvə ilə işləməyə icazə vermirlər. Xatırladaq ki, Gürcüstan prezidentinin sözlərinə görə, əvvəllər Baş nazir səhər saat 8-dən gecə saatlarınadək işləyirdi.
Baş nazir dünən müalicə olunmaq üçün ikinci dəfə getdiyi Almaniyayadan qayıdıb və özünün yaxşı hiss edir.
Mqaloblişvili yanvarın 20-də təkrar müayinədən keçmək üçün Münhen klinikasına gedib. Ötən ilin sonunda o, böyrək iltihabı xəstəliyi ilə həmin klinikaya aparılmışdı. Müayinədən sonra vətənə qayıdan Baş nazir yanvarın 17-də özünü yenidən pis hiss edib və Tbilisi Respublika Xəstəxanasına yerləşdirilib. Gürcü və alman həkimlərinin konsiliumundan sonra baş nazirin müalicəsinin Almaniyada davam etdirilməsinə qərar verilmişdi.
Məqalə müəllifi ilə əlaqə ünvanı [email protected]