Bakı. Trend:
Tanzaniyada güclü yağışların səbəb olduğu daşqınlar nəticəsində azı 155 nəfər ölüb.
Trend-in məlumatına görə, bu barədə ölkənin baş naziri Kasim Macaliva deyib.
"51 mindən çox təsərrüfat və 200 min insan zərər çəkib. 155 nəfər həlak olub, 236 nəfər yaralanıb, 10 mindən çox evə müxtəlif dərəcəli ziyan dəyib", - deyə o bildirib.
K.Macalivanın sözlərinə görə, əkin sahələri, eləcə də infrastruktur - körpülər, avtomobil yolları və dəmir yolları məhv edilib. Yağışların dağıdıcı nəticələrinin əsas səbəbi insanın təsərrüfat fəaliyyətinin ətraf mühitə zərərli təsiri, meşələrin qırılması, xüsusilə dağ yamaclarında və çay sahillərindədir.